跳到主文
部落格全站分類:藝文情報
Egg Benedict$38All day breakfast全日供應,兩隻賓尼迪蛋配火腿、焗豆、沙律菜,英式鬆餅會先烘熱。跟餐送即磨咖啡,相當抵食。
有朋友話前排喺厚福街橫巷一間餐廳仔,食到有酒店水準嘅 egg benedict,價錢只需三十幾。真係咁抵?我喺旺角食都要七十幾蚊喎!
小店都有酒店水準?一問之下,原來餐廳老闆兼主廚 Lawrence,曾經喺多間五星級酒店當廚師,有二十幾年餐飲經驗,怪不得出品咁有水準!當酒店廚師多年, Lawrence有唔少烹飪心得,例如簡單嘅吞拿魚沙律,要配加有刁草嘅芥末醬,「刁草有種獨特嘅香味,通常配三文魚,但其實佢亦可以調出芥末醬嘅味道。另外餐廳用嘅意大利香醋,我亦會加香料調配,配沙律時冇咁齋。」除此之外, egg benedict精髓所在嘅 Hollandaise sauce(荷蘭醬)亦有竅妙,荷蘭醬一般用蛋黃、牛油清、香草同檸檬汁打勻,不過 Lawrence秘製的醬汁清新得嚟又不減味濃,可惜佢唔肯透露秘方。至於 egg benedict,「唔需要將水攪至有漩渦先落蛋,但水中記得要加白醋。」喺飲食界打滾多年, Lawrence對行情非常熟悉,買到平靚正嘅食材,但佢冇似 iPhone咁低成本高收費,只係賣街坊價。 Lunch time嚟食個 egg benedict set,兩隻蛋、鬆餅加焗豆,真係飽到夜晚都唔使食飯呀。
法式煎多士配鮮果$26全麥包蘸蛋漿,半煎炸至脆身,加少許朱古力醬,少少甜味,下午茶啱晒。配即磨咖啡加$4。( 2:30pm-4:30pm供應) 煙肉雜菌忌廉扁意粉$38白汁有好香濃煙肉味,質感唔會太稠身,食完唔覺膩。( 12:30pm後供應) 吞拿魚沙律伴刁草芥末汁$37沙律菜新鮮,刁草芥末汁令味道提升,唔會只得菜味咁寡。分量唔細,女士們一定夠食。( 12:30pm後供應)
地址:尖沙嘴厚福街 9號豪華閣地下 C鋪
2016韓劇推薦好看的 , 學校2015 韓劇 線上看 , 2015韓劇排行榜前十名2016韓劇排行榜前十名 , 好看的韓劇推薦 , 2016韓劇收視率 , 韓劇推薦 , 2017好看的韓劇推薦 ,
jmuko99 發表在 痞客邦 留言(0) 人氣()
留言列表